• सोमवार, चैत्र ३०, २०७७
  • | April 12, 2021


नयाँ सरकार दिन नसके पुनः संसद विघटन हुनसक्छ


नेपाली अपडेट
शुक्रबार, फाल्गुन २१, २०७७
 
काठमाडौं, शुक्रबार २१ फागुन राष्ट्रिय प्रजातन्त्र पार्टी (राप्रपा)का अध्यक्ष कमल थापाले प्रतिनिधिसभा पुर्नस्थापनापछि उत्पन्न राजनीतिक परिस्थितिलाई कता डोर्याउने भन्ने निर्णायक भूमिकामा कांग्रेस रहेको बताएका छन्। उनले प्रतिनिधिसभा विघटन बदर गर्ने सर्वोच्च अदालतको फैसला स्वागतयोग्य रहेको समेत बताए। शुक्रबार रुपन्देहीको भैरहवामा पार्टीले आयोजना गरेको पत्रकार सम्मेलनमा उनले अब शुरु हुने संसद अधिवेशनले नयाँ सरकार दिन नसके पुनः संसद विघटन हुने र ताजा जनादेशमा जाने अवस्था आउन सक्ने औँल्याए। नेकपा विभाजन भएमा सरकार गठनका लागि बल कांग्रेसको कोर्टमा पुग्ने उनको धारणा छ । उनले अहिले मुलुकसामु दुईवटा विकल्प रहेको बताउँदै भने, ‘एउटा अपवित्र गठबन्धनका माध्यमबाट सांसद किनबेच र राजनीतिक अस्थिरता निम्ताउने र दोस्रो संविधानको धारा ७६ (७)अनुसार प्रतिनिधिसभा विघटन गरी मध्यावधि चुनावमा जाने।’
प्रकाशित भएको : March 5th, 2021

सम्वन्धित समाचारहरु